تونس مصدر إحراج للخليج

تونس كانت ديما مصدر إحراج و قلق لملوك و أمراء الخليج ... على خاطر كانو يراو في تقدّمها و تحرّر نسائها و تعلمهم و برهنتهم على النجاح تهديدا مباشر لهم و تكذيبا واضحا لفلسفتهم الكاذبة الواهمة بانّ المرأة ناقصة عقل و دين ... و هكا علاش هوما يبعثوا ببناتهم إلى أكبر الجامعات الأمريكيّة و الأروبية باش يقراو و يتعلموا و يتثقفوا و يسهروا و يشوفوا العالم و في بلدانهم يفتيو بعكس هذا تماما و يحرموا كل شئ على المرا حتى السياقة بإسم الدين ... على خاطر يعرفوا أنو المرا مستحيل تشدها أو تقمعها إذا كانت متعلمة ... هكا علاش توه فرحانيين و شايخين على تونس بعد الثورة خاطر لقاو فيها بلاصة باش يبثوا بهامتهم و جهلهم بتواطئ أشباه التوانسة يعني بلغتنا الطحانة كيما الغنوشي و بشير بن حسين و أبو عياض ... و بداو يبعثوا في شيوخ الجهل و الدجل و البهامة لزرع السموم و الفتنة في بلادنا ... و هكا علاش ولينا هكة أحنا بعد ما كنا نحكيو في الإقتصاد و الشراكة مع الإتحاد الأروبي و السياحة و تدعيم علاقانتا مع الصين و تنظيم كاس العالم و إصلاح التعليم و الفقر و البطالة و السكن ... و لينا نحكيو في طهارة البنات و أربعة نساء و النقاب و الحجاب و اللحية و بول البعير ... و هلم جر من الخرافات و الطرهات ... و زيد ما يحشموش ولاو يقولو اللي الثورة اللي صارت في تونس ما هي إلا حنين لعاداتهم و نمط حياتهم فلا خير في التقدّم و التحرّر... هكة علاش آني معمل برشة على نساء تونس أكثر من الرجال ... و في لخر ما نجم نقول كان يا أمّة ضحكت من جهلها الأمم ...